Նոյեմբերի 19-ից դեկտեմբերի 3-ը Գեղագիտության ազգային կենտրոնում կկայանա ցուցահանդես, որ կազմակերպվել է Շվեդիայի՝ Եվրամիության նախագահության, ՀՀ-ում Էստոնիայի հյուպատոսության, «Հայաստանի պատանեկան նվաճումներ» կազմակերպության եւ Հայաստանում «Օրիֆլեյմ» ընկերության կողմից:
Շվեդ մանկագիր Աստրիդ Լինդգրենի «Կառլսոնը, որն ապրում էր տանիքում» վիպակը վերածվել է հայտնի մուլտֆիլմի: Մուլտֆիլմը, որը երկար տարիների միջով Խորհրդային Միությունից փոխանցվել է անկախ Հայաստանին, անչափ հոգեհարազատ է մի քանի սերունդների:
Լինդգրենի գրքերի պատկերազարդող Իլոն Վիկլանդը ցուցահանդեսը բացելու նպատակով Հայաստանում է: Միջոցառման շրջանակներում կցուցադրվեն նաեւ աշակերտների կողմից պատրաստված երեխաների իրավունքներին նվիրված մանրապատումներ:
Հայաստանի բոլոր մարզերի 20 դպրոցներից 400 աշակերտ մասնակցել է «Հայաստանի պատանեկան նվաճումներ» կազմակերպության կողմից անցկացված մրցույթին: Թիմերը սովորել են երեխաների իրավունքները, քննարկել, գրել եւ ներկայացրել երեխաների որեւէ իրավունքին նվիրված մանրապատում: Հաղթող է ճանաչվել երեք թիմ՝ Երեւանի թիվ 149, Էջմիածնի թիվ 5 դպրոցի եւ Էջմիածնի Ներսիսյան վարժարանի աշակերտները, որոնք «Օրրան» ԲՀԿ-ի՝ կարիքավոր եւ փողոցում հայտնված երեխաների կենտրոնի, ինչպես նաեւ Աշոտ Ղազարյանի «Հումորի դպրոցի» սաների հետ միասին կներկայացնեն հաղթած ներ֊կայացումները: Հայտնի դերասաններ Հրանտ Թոխատյանը, Աշոտ Ղազարյանը եւ Զառա Արամյանը նոր փայլ կհաղորդեն միջոցառմանը:
