Իրանի խորհրդարանի բարձրաստիճան մի պաշտոնյա հայտարարել է, թե Թեհրանը ընդունակ է ոչ հեռու ապագայում C-300 զենիթահրթիռային համակարգերի սերիական արտադրություն սկսել, եթե Ռուսաստանը չկատարի Իրանին այդ համակարգերով մատակարարելու մասին ավելի վաղ ձեռք բերված համաձայնությամբ ամրագրված իր պարտավորությունը: «Իրանն այն երկիրը չէ, որն անուշադրության է մատնում խոստումների չկատարումը»,- զգուշացրել է Իրանի մեջլիսի արտաքին քաղաքականության եւ ազգային անվտանգության հարցերի հանձնաժողովի նախագահ Ալաեդդին Բորուջերդին:
