![\"\"](\"https://www.aravot.am/2009/aravot_arm/November/17/p15.jpg\")
Կոսովոյի իշխող Դեմոկրատական կուսակցությունը, որը գլխավորում է երկրի վարչապետ Խաշիմ Տաչին (նկարում), հայտարարել է կիրակի օրը կայացած տեղական ընտրություններում հաղթանակ տանելու մասին: Դրանք 2008թ. փետրվարի 17-ին Կոսովոյի կողմից միակողմանի անկախություն հռչակելուց ի վեր առաջին ընտրություններն էին: «ԼՁԸՀ-ՁԸհհ»-ի մատուցմամբ, Կոսովոյի Դեմոկրատական կուսակցությունը 36 ընտրատարածքներից 20-ում հաղթանակ է տարել: Կոսովոյում գործող մյուս ազդեցիկ կուսակցությունը՝ Դեմոկրատական լիգան, դրա ղեկավար Ֆաթմիր Սեյդիուի ասելով, հաղթանակ է տարել Պրիշտինայում:
Նույն աղբյուրի փոխանցմամբ, ընտրություններին հետեւող դիտորդները շեշտել են, որ Կոսովոյի սերբերը բոյկոտել են տեղական ընտրությունները: Սերբիայի կառավարության՝ Կոսովոյի եւ Մետոխիի հարցերով նախարար Գորան Բոգդանովիչը այդ ընտրությունները որակել է անօրինական եւ ոչ լեգիտիմ:
