Հորդանանում՝ նույնանուն գետի արեւելյան ափին, արքեպիսկոպոս Թորգոմ Մանուկյանի նախաձեռնությամբ, Վիգեն Կարապետյանի աջակցությամբ դրվել է հայկական եկեղեցու հիմքը:
Հորդանանի հաշեմենյան թագավորությունը եկեղեցու շինարարության թույլտվություն վաղուց էր տվել, սակայն միջոցներ չէին գտնվում: Եկեղեցին կկոչվի Սուրբ Կարապետ՝ ի հիշատակ Վիգեն Կարապետյանի հոր՝ Կարո Կարապետյանի:
Իսկ Լեհաստանի մայրաքաղաքում լույս է տեսել հայկական «Ավետիս» թերթի անդրանիկ համարը, խմբագիրն է Արմեն Արթվիչը, կարգախոսը՝ «Մունետիկ, որ բերում է բարի լուրեր», հրատարակիչն է «Լեհահայոց մշակույթի եւ ժառանգության հիմնադրամը»: Ըստ նախաձեռնության հեղինակների, «Ավետիսի» նպատակն է ազգային միասնության շրջանակներում միավորել հանրության տարբեր շերտերը, համադրել ավանդականն ու ժամանակակիցը: Թերթը ունենալու է սոցիալ-մշակութային ուղղվածություն եւ փորձելու է նպաստել հայ համայնքի համախմբվածությանը:
