Երեկ ՀՀ հատուկ քննչական ծառայությունը կալանավորեց ՀՀ ԿԱ պետական եկամուտների կոմիտեի մաքսային հսկողության վարչության առաջին կարգի մասնագետ Վահե Դավթյանին: Նա այս տարվա հոկտեմբերի 9-ին գտնվելով հարբած վիճակում, Ջրվեժում գործող «Մատրյոշկա» գիշերային ակումբից իր ծանոթուհուն տուն տանելու ճանապարհին Գայի պողոտայով ավտոմեքենան վարել է թույլատրելի արագությունը գերազանցող արագությամբ: Վթարի հետեւանքով մահացել էր տաքսի ավտոմեքենայի վարորդ Վարդգես Պետրոսյանը եւ «Արմենպրեսի» աշխատակից Հովհաննես Խաչատուրյանը:
