ԱԻՆ փրկարար ծառայությունից երեկ տեղեկացրին, որ Գավառի Սահրադյան 20 հասցեի բնակիչ 56-ամյա Միշա Ղաջոյանը սնդիկի գոլորշուց թունավորվել էր եւ տեղափոխվել Երեւանի «Էրեբունի» բժշկական կենտրոն, իսկ նրա կինը՝ 51-ամյա Անուշ Ղաջոյանը, ստացել էր թեթեւ թունավորվածություն:
Միշա Ղաջոյանը հիվանդանոցում մահացել է:
Դեպքի վայր է մեկնել Հայաստանի փրկարար ծառայության՝ բնակչության ու տարածքների պաշտպանության վարչության եւ ՀՀ առողջապահության նախարարության պետական հիգիենիկ եւ հակահամաճարակային տեսչության աշխատակիցներից կազմված օպերատիվ խումբը:
