Չիլիի իշխանությունները մերժել են կանգնեցնել Հռոմի պապ Հովհաննես Պողոս 2-րդի ամենամեծ՝ 13,5 մետր բարձություն ունեցող արձանը: Այն նախատեսվում էր կանգնեցնել երկրի մայրաքաղաք Սանտյագոյի հրապարակներից մեկում: Բայց Չիլիի հուշարձանների պահպանության ազգային խորհուրդը հրաժարվել է հավանություն տալ այդ նախաձեռնությանը՝ համարելով, որ Հռոմի պապի արձանը չափազանց մեծ չափեր ունի եւ կարող է խաթարել հրապարակի ճարտարապետական ներդաշնակությունը:
