Երեկ կառավարության շենքի առջեւ խաղաղ ցույց էին կազմակերպել Հայաստանի տարբեր զորամասերում մահացած զինվորների ծնողները:
Նրանք բարձրաստիճան պաշտոնյաներից պահանջում էին պարզել իրենց զավակների մահվան իրական պատճառներն ու մեղավորներին պատասխանատվության ենթարկել՝ արդար դատական գործընթացով:
Զոհված զինվորների մայրերը ՀՀ նախագահ Սերժ Սարգսյանին իրենց ձայնն ու խնդիրը հասցնելու միջոց են ընտրել նաեւ Հանրային խորհուրդը, որին դիմել են վերջերս՝ իրենց հարցով զբաղվելու ակնկալիքով:
Այս անգամ էլ ցուցարարներին էին միացել իրացման գոտու բնակիչները, որոնք էլ իրենց խնդիրն էին բարձրաձայնում եւ պահանջում կառավարությունից վերականգնել իրենց՝ Սահմանադրությամբ ամրագրված իրավունքներն ու համապատասխան փոխհատուցում տալ կորցրած սեփականության համար:
