Հայաստանում Արժույթի միջազգային հիմնադրամի ներկայացուցչության ղեկավար Նինկե Օմեսը երեկ ասուլիսում ներկայացրել է հերթական կանխատեսումները Հայաստանի տնտեսության վերաբերյալ: Ըստ Ն. Օմեսի, տարեվերջին ՀՆԱ-ի անկումը կկազմի 15,5%, իսկ 2010-ին արդեն կգրանցվի 1,2 % աճ, որը կկրկնապատկվի 2011-ին: Հաջորդ տարիների համար եւս ԱՄՀ-ն կանխատեսում է մեր երկրի տնտեսության շարունակական զարգացում եւ ՀՆԱ-ի ցուցանիշի աճ:
