«Առավոտ» օրաթերթը եւ «Միր» միջպետական հեռուստառադիոընկերության Հայաստանի ազգային մասնաճյուղը (ՄՀՌԸ) «ՎիվաՍել-ՄՏՍ»-ի հովանավորությամբ նոյեմբերի 21-ին, ժամը 11.00-ին, կազմակերպում են լրատվամիջոցների աշխատակիցների մասնակցությամբ սեղանի թենիսի ավանդական՝ 3-րդ մրցաշարը: Մասնակցել ցանկացողները լրատվամիջոցի ղեկավարի ստորագրությամբ եւ կնիքով հաստատված հայտը մինչեւ նոյեմբերի 16-ը պետք է ներկայացնեն «Առավոտ» օրաթերթի խմբագրություն (Արշակունյաց 2, 15-րդ հարկ)՝ Աշոտ Հակոբյանին, կամ «Միր» ՄՀՌԸ (Արշակունյաց 2, 6-րդ հարկ)՝ Գրիգորի Պետրոսյանին:
Ուշ ներկայացված հայտերը չեն ընդունվում:
Մասնակցության պայմաններն ու կարգը:
1. Յուրաքանչյուր լրատվամիջոցից մրցաշարին մասնակցել կարող է առավելագույնը երկուական տղամարդ եւ կին:
2. Հայտավորված անձին, եթե նա երբեւէ թենիս է պարապել կամ հաճախել է մարզաձեւի ցանկացած սեկցիա, մրցաշարին մասնակցելու իրավունք չի տրվում:
2.1. Եթե մրցաշարի ընթացքում նման խախտում հայտնաբերվի, այդ մասին կհրապարակվի մամուլում եւ կհեռարձակվի եթեր՝ նշելով տվյալ լրատվամիջոցի եւ դրա ղեկավարի անունը:
2.2. Հնարավոր վիճահարույց խնդիրներին լուծում տալու նպատակով տեղում կկազմվի համապատասխան հանձնախումբ:
3. Կազմակերպիչների որոշմամբ, այս տարի նախորդ առաջնության տղամարդկանց եւ կանանց հաղթողների ու մրցանակակիրների համար կկազմակերպվի առանձին՝ «Վարպետների մրցաշար»:
4. Մասնակցության իրավունք ստացած լրատվամիջոցները եթե ցանկանում են մարզադահլիճում տեղադրել իրենց գովազդային պաստառները, այդ մասին հայտի հետ միասին պետք է ներկայացնեն առանձին գրություն:
5. Մասնակիցների հաշվառումը եւ վիճակահանությունը կանցկացվի նոյեմբերի 21-ին, ժամը 10.00-10.30-ը: Ուշացողները կզրկվեն մասնակցության թույլտվությունից:
Մրցումների մեկնարկը կտրվի ժ. 11.00-ին:
Լրացուցիչ տեղեկությունների համար այցելել «Առավոտ» օրաթերթ կամ զանգել 586429, (093)840807, (091)130807 հեռախոսահամարներով:
