Պաշտոնական տվյալներով, Չինաստանի Ժողովրդական Հանրապետության ոստիկանությունը հետաքննում է Չինական Մեծ պատի ամենահին հատվածներից մեկի փլուզմանը ոսկու արդյունահանմամբ զբաղվող ընկերության առնչություն ունենալու փաստը: «Hohhot Kekao» ընկերությունը կասկածվում է այն բանում, որ Ներքին Մոնղոլիայում ոսկու հանքի հետախուզական աշխատանքների ժամանակ վնասել է պատի մի քանի հարյուր մետր հատվածը: Փլուզումները հայտնաբերվել էին դեռ սեպտեմբերին, եւ հենց այդ ժամանակ էլ ընկերությանը աշխատանքները դադարեցնելու պահանջ էր ներկայացվել, բայց ավելի ուշ տեսուչները պարզել էին, որ «Hohhot Kekao»-ը այդ արգելքից հետո էլ շարունակել է աշխատել: Պատի վնասված հատվածը կառուցվել էր մոտ 2000 տարի առաջ:
