Երեկ Հայաստանում «խոզի գրիպով» վարակված եւս 2 մարդու են հայտնաբերել: Վարակակիրները ժամանել են Ռուսաստանից: Նրանց մոտ A/H1N1 վարակի նախանշաններ հայտնաբերվել են հենց օդանավակայանում եւ անմիջապես տեղափոխվել «Նորք» ինֆեկցիոն կենտրոն: Առողջապահության նախարարության տեղեկացմամբ, Հայաստանում «խոզի գրիպով» հիվանդ է արդեն հինգ մարդ:
Հիվանդներից մեկը ազգությամբ հայ է եւ ժամանել է Սանկտ Պետերբուրգից, իսկ մյուսը՝ Իրանի Հանրապետության քաղաքացի է:
