Թուրքիայի վարչապետ Ռեջեփ Թաիբ Էրդողանը հայտարարել է, թե իր երկիրը կշարունակի վերջերս սկսած՝ հարեւան մուսուլմանական երկրների՝ Իրանի, Իրաքի եւ Սիրիայի հետ հարաբերությունների սերտացման քաղաքական ուղենիշը: «BBC»-ի փոխանցմամբ, երկրի վարչապետը հայտարարել է նաեւ, թե Անկարան ձգտում է երկխոսություն սկսել իր բոլոր հարեւանների հետ: Այդուհանդերձ, սկանդալային վերջին պատմությունը, երբ Թուրքիան Ստամբուլում տեղի ունեցած Եվրամիության անդամ երկրների հետ հանդիպման էր հրավիրել Միջազգային քրեական դատարանի կողմից հետախուզման մեջ գտնվող Սուդանի նախագահին, ըստ աղբյուրի, նշանակում է, որ Անկարան քաղաքական ճկունություն դրսեւորելու ազատություն չունի:
