«Աիդա» փոթորիկը, որը հասել է Մեքսիկական ծոց, Սալվադորում դարձել է ջրհեղեղների ու բազմաթիվ սողանքների պատճառ: Տարերային աղետի զոհ է դարձել 124 մարդ: ԱՄՆ-ի փոթորիկների ազգային կենտրոնի տվյալներով, թեեւ փոթորիկը թուլանում է, այդուհանդերձ, դեռ պահպանվում է ծոցի ամերիկյան ափերին սպառնացող վտանգը, եւ չի բացառվում, որ ԱՄՆ-ի Լուիզիանա եւ Ֆլորիդա նահանգներում հորդառատ անձրեւներ տեղան: Ամերիկյան այդ շրջաններում գործունեություն ծավալող նավթային ընկերություններն արդեն կասեցրել են իրենց աշխատանքն ու ծոցի օբյեկտների անձնակազմի տարհանման աշխատանքներ են սկսել:
«Աիդա» փոթորկից ամենաշատը տուժել է Սալվադորը, որտեղ տեղատարափ անձրեւների պատճառով գետերը դուրս են եկել հուներից, իսկ լեռնային շրջաններում առաջացած սողանքները ավերել են հին շինությունները: Մինչ այդ, փոթորկի հետեւանքով լրջորեն տուժել էր նաեւ Նիկարագուան, որտեղ ավելի քան 5 հազար մարդ մնացել էր անօթեւան:
