Վրաստանի կրթության եւ գիտության նախարարությունը Ռուսաստանին մեղադրում է վրացի չորս անչափահասների առեւանգման մեջ եւ պահանջում է նրանց անհապաղ ազատ արձակել: «Newsru»-ի փոխանցմամբ, նախօրեին Հարավային Օսեթիայի տարածքում կալանավորվել էին Վրաստանի անչափահաս քաղաքացիներ, որոնց մոտ եղել էին նռնակներ եւ պայթուցիկ: Անչափահասները բերման էին ենթարկվել Հարավային Օսեթիայի ՆԳՆ, որտեղ էլ, օսեթական կողմի պնդմամբ, պարզվել էր, որ նրանք բոլորը Վրաստանի Գորիի շրջանի Թիրձնիսի գյուղի բնակիչներ են ու տարածաշրջան են ներթափանցել անօրինական ճանապարհով:
Վրաստանի նախարարությունը տեղի ունեցածը գնահատել էր որպես վրդովեցուցիչ եւ դիմել է միջազգային կազմակերպություններին՝ ակտիվ մասնակցություն ունենալ անչափահասների ազատ արձակման հարցում:
