Երեւանի բնակչությունն այսօր համառորեն որոշ ստորգետնյա անցումներից չի օգտվում, քանի որ դրանք իրենց նպատակին ծառայելու փոխարեն հասարակական զուգարանի են վերածվել եւ տարիներով չեն մաքրվում: Երեւանի հենց կենտրոնում, Կ. Դեմիրճյանի անվան մետրոպոլիտենի «Հանրապետության հրապարակ» կայարանի տարածքում գտնվող անցումը նույնպես այդ բախտին է արժանացել: ՀՀ կառավարության 3-րդ շենքի մոտ գտնվող այս անցումից անցորդները չեն օգտվում եւ, չնայած ճանապարհային ոստիկանության գոռում-գոչյուններին, ամեն օր փողոցը խախտումով են հատում: Բացի գարշահոտությունից, այս անցումը նաեւ նորմալ չի լուսավորվում: Արդյունքում՝ անգամ օրը ցերեկով ստորգետնյա այս հատվածով անցնողներից մեծ խիզախություն է պահանջվում: Լավ կլիներ, եթե հետիոտնին տուգանողներին զուգահեռ՝ ստորգետնյա անցումների բարեկարգմամբ զբաղվող էլ լիներ:
