Լեռնային Ղարաբաղի Հանրապետության Փրկարար ծառայության տարածած տեղեկությունների համաձայն, այս տարվա առաջին տասն ամիսներին հանրապետության կառավարությանը կից Փրկարար ծառայության ականազերծողները բրիտանական «The Halo Trust» կազմակերպության հետ համատեղ վնասազերծել են 9 հակատանկային, 1 հակահետեւակային ական, 174 միավոր հրանոթային եւ ականանետային արկ, 10 հազար 334 միավոր փոքր տրամաչափի փամփուշտ: Այս ընթացքում ականներից զոհվել է մեկ, վնասվել՝ երկու քաղաքացի:
Ըստ նույն աղբյուրի, ականների եւ այլ զինամթերքի հետ կապված միջադեպերը տեղի են ունենում հիմնականում անզգուշության, անուշադրության եւ մարդկային անտարբերության պատճառով:
