![\"\"](\"https://www.aravot.am/2009/aravot_arm/November/5/p5.jpg\")
Ինչպես Երեւանի շատ փողոցներում, այնպես էլ Արշակունյաց-Ագաթանգեղոս խաչմերուկում լուսացույցը կանաչ է թե հետիոտնի եւ թե տրանսպորտային միջոցի համար:
Մի քանի օր առաջ Արշակունյաց փողոցում բախվեցին «Աուդի», «ՎԱԶ-2107», «ՎԱԶ-2121», «Միցուբիշի» եւ «Ֆորդ» մակնիշների ավտոմեքենաները:
Պատահարի հետեւանքով հետիոտն՝ 22-ամյա Նարինե Հովհաննիսյանը վրաերթի ենթարկվեց եւ տեղում զոհվեց, իսկ «Աուդի» ավտոմեքենայի վարորդ՝ 32-ամյա Արամ Ավագյանը եւ ուղեւորը՝ 30-ամյա Լիլիթ Գալստյանը ծանր վիճակով տեղափոխվեցին «Էրեբունի» բժշկական կենտրոն: Արշակունյաց փողոցում այդ վրաերթը միակը չէր:
Փողոցը, հատկապես՝ դեպի կրկեսի ճանապարհը, վտանգավոր է դառնում մանավանդ ժ.18-ից հետո: Վարորդներից շատերը կանաչ լույսի տակ չեն զիջում ճանապարհը հետիոտնին, իսկ այդ փողոցում ճանապարհային ոստիկաններ չկան:
«Առավոտին» դիմած քաղաքացիների կարծիքով, բյուջեն մի քանի օրում կլցվի իրավախախտ վարորդների շնորհիվ, եթե նշված ժամից հերթապահություն անեն ոստիկանները:
