«Հայաստան» համահայկական հիմնադրամի հասարակայնության հետ կապերի բաժինը նոյեմբերի 3-ին տեղեկացնում է, որ հոկտեմբերի 24-ին Կանադայի Մոնրեալ քաղաքում հիմնադրամի «Հեռուստամարաթոն-2009-ին» ընդառաջ կազմակերպված բարեգործական ճաշկերույթի ժամանակ 100 հազար ԱՄՆ դոլար է հավաքվել՝ Կոտայքի մարզի Աբովյանի շրջանային հիվանդանոցի հիմնանորոգման համար: Գումարը տվել են կանադահայ բարերարներ Վրեժ եւ Իմաստուհի Նիկողոսյանները, իսկ ճաշին ներկա է եղել նաեւ ՀՀ հատուկ հանձնարարությունների դեսպան, Հիմնադրամի հոգաբարձուների խորհրդի փոխնախագահ Արկադի Ղուկասյանը: Դատելով հիմնադրամի տարածած տեղեկությունից, Արկադի Ղուկասյանը հայ-թուրքական հարաբերություններից չի խոսել, քանի որ «հիմնադրամի հոգաբարձուների խորհրդի փոխնախագահին մեծ ցնծությամբ ընդունեցին ՀԲԸՄ Ալեք Մանուկյանի անվան դպրոցի սաները՝ ի դեմս դպրոցի նախագահ դոկտոր Արշավիր Գունջյանի եւ տնօրեն Ռոբերտ Խեչայանի»:
