Ըստ Գեղարքունիքի մարզպետարանից ստացած տեղեկությունների, մարզի 2009-2011 զարգացման եռամյա ծրագրով նախատեսված էր այս տարի Գեղարքունիքում ծախսել 10,699 միլիարդ դրամ, սակայն ճգնաժամի արդյունքում տարվա առաջին վեց ամիսներին ծախսվել է ընդամենը 2,887 միլիարդ դրամ: Ընդ որում, ներդրումներ չեն արվել սոցիալական եւ տարածքների զարգացման ոլորտներում: Մարզպետարանից տեղեկացանք նաեւ, որ շաբաթավերջին փոխմարզպետ Արտուշ Ղուկասյանը այս մասին տեղեկացրել է մարզպետ Նվեր Պողոսյանին եւ հավելել, որ մինչեւ տարեվերջ մարզի զարգացման ծրագրով նախատեսված ավելի քան 10 մլրդ դրամի փոխարեն մարզում կիրականացվի շուրջ 14 միլիարդ դրամի աշխատանք՝ առավելապես ճանապարհաշինության ոլորտում: Հայտնի է, որ Գեղարքունիքը աչքի է ընկնում վատ, կիսավեր, ավեր ճանապարհների առատությամբ:
