Արժույթի միջազգային հիմնադրամը վերանայել է Հայաստանի հետ վարկային ծրագիրը: ԱՄՀ-ն փորձում է ֆինանսական օժանդակությունը Հայաստանին տրամադրել ավելի կարճ ժամկետներում: Հղում անելով «Ուոլ Սթրիթ Ջոռնըլ» պարբերականի ինտերնետային կայքին, այս մասին գրում է «banker.am»-ը: Փոփոխություններով ԱՄՀ-ն լրացուցիչ 822,7 մլն դոլար է հատկացրել ֆինանսական օժանդակություն տրամադրելու համար, որից 60 մլն դոլարը նախատեսված է Հայաստանի համար: ԱՄՀ-ում որոշումը պարզաբանել են Հայաստանում գրանցված տնտեսական անկման ցուցանիշներով: Հիմնադրամի մասնագետների կանխատեսմամբ՝ Հայաստանում անկումն այս տարեվերջին կկազմի 15,6%:
