![\"\"](\"https://www.aravot.am/2009/aravot_arm/October/30/p13.jpg\")
Սոմալիի ծովահենները Հնդկական օվկիանոսում զավթել են Թայվանի դրոշ կրող ձկնորսական մի նավ, որի ողջ անձնակազմը, ըստ որոշ տեղեկությունների, բաղկացած է 25 ռուս նավաստիներից: «ԼՁԸՀ-ՁԸհհ»-ի մատուցմամբ, ծովահենները Սոմալիի ափերից մի քանի հազար կմ հեռու գտնվող նավի վրա հարձակվել են երկու արագընթաց մոտորանավակներով: Ծովահենության կանխարգելման գործողությունների իրականացման եվրոպական ռազմածովային «Ատլանտա» կազմակերպության մամուլի հաղորդագրության համաձայն, ջրային այն տարածքում, որտեղ առեւանգվել է նավը, պարեկություն են իրականացնում եվրոպացի զինվորականները: Ենթադրվում է, որ նավը ուղղություն է վերցրել դեպի Սոմալիի մերձափնյա շրջաններ: Ինչպես եվրոպացի զինվորականները, այնպես էլ ՌԴ ԱԳՆ-ն, փորձում են պարզել, թե արդյո՞ք պատանդ նավաստիները ռուսներ են:
