Ազգային ժողովը երեկ վավերացրել է Եվրասիական տնտեսական ընկերակցության (ԵվրԱզԷՍ) հակաճգնաժամային հիմնադրամի ստեղծման մասին պայմանագիրը: Հակաճգնաժամային հիմնադրամի նպատակը մասնակից երկրներին վարկավորման միջոցով աջակցությունն է՝ ֆինանսատնտեսական ճգնաժամի բացասական ազդեցությունը հաղթահարելու նպատակով: Բացի այդ, կազմակերպության անդամ երկրները պետք է ձեւավորեն միասնական արտաքին տնտեսական քաղաքականություն:
«ԵվրԱզԷՍ»-ի անդամներն են Բելառուսը, Ղազախստանը, Ղրղըզստանը, Ռուսաստանը, Տաջիկստանն ու Ուզբեկստանը: Հայաստանը եւ Մոլդովան հանդիսանում են դիտորդ երկրներ: Հիմնադրամի չափը կազմում է $10 միլիարդ, որից Հայաստանին բաժին է հասնում $1 մլն:
