Երեկ Ռուսաստանում «խոզի գրիպի» հետեւանքով մահացել է 2 կին: Այս մասին «Ինտերֆաքս» լրատվական գործակալությանը հայտնել է Ռուսաստանի Դաշնության գլխավոր պետական համաճարակաբան Գենադի Օնիշենկոն: Նրա խոսքերով, Չիտայում բնակվող 29 եւ 50 տարեկան կանանց մոտ ախտորոշվել է A/H1N1 վիրուսը, բացի այդ, նրանք երկուսն էլ հիվանդ են եղել թոքաբորբով: Նա ասել է նաեւ, որ կանանցից մեկը հղի է եղել եւ պտուղը չի հաջողվել փրկել:
