![\"\"](\"https://www.aravot.am/2009/aravot_arm/October/27/p11.jpg\")
Նվազագույնը 14 ամերիկացի է զոհվել Աֆղանստանում մի քանի ուղղաթիռների բախման արդյունքում: ՆԱՏՕ-ին մոտ կանգնած աղբյուրների փոխանցմամբ, նախ՝ երկրի հարավում, հենց օդում երկու ուղղաթիռ է բախվել, որի արդյունքում զոհվել է 2 ամերիկացի զինծառայող եւ եւս երկուսը վիրավորվել է: Մյուս բախումը տեղի է ունեցել Աֆղանստանի արեւմուտքում, որի զոհ է դարձել յոթ զինծառայող եւ երեք քաղաքացիական անձ: Ընդհանուր առմամբ, վնասվածքներ են ստացել 12 ամերիկացի եւ Աֆղանստանի 14 քաղաքացի: Թեեւ ուղղաթիռների բախման պատճառներն առայժմ հայտնի չեն, այդուհանդերձ, ահաբեկչական ակտի վարկած այս աղետի հետաքննության շրջանակներում չի քննարկվում: «Reuters»-ի մատուցմամբ, 2001թ.-ին թալիբների իշխանության տապալումից հետո Աֆղանստանում կոալիցիայի ուժերի կողմից կրած կորուստների առումով ընթացիկ տարին ամենածանրն է եղել: Միայն այս տարի ամերիկացի զինծառայողների շրջանում զոհերի թիվը հասել է ավելի քան մեկ տասնյակի:
