Հայաստանի գերիների, պատանդների եւ անհետ կորածների հարցերի հանձնաժողովը ստուգում է Տավուշի մարզի Հաղարծին գյուղի բնակիչ Արթուր Բադալյանի՝ այս տարվա մայիսից անհետ կորելու եւ Ադրբեջանում գտնվելու տեղեկությունները: «Նրա Ադրբեջանում գտնվելու վերաբերյալ տեղեկություններն առայժմ չեն հաստատվել, սակայն մենք ունենք բոլոր հիմքերը ենթադրելու, որ նա Ադրբեջանում գերության մեջ է: Ներկայում մենք ստուգում ենք նրա գտնվելու վայրի վերաբերյալ չհաստատված տեղեկատվությունը»,- ասել է հանձնաժողովի նախագահ Ա. Կապրիելյանը:
Այս տարի Ադրբեջանում գերության մեջ են հայտնվել 6 զինապարտներ. Հրանտ Մարկոսյանը, Ռաֆիկ Թեւոսյանը, Վարդեւան Սարգսյանը, նորակոչիկներ Օհան Հարությունյանը եւ Գեւորգ Թովմասյանը: Վերջին գերին, որը հուլիսի 14-ին է հայտնվել ադրբեջանական կողմում՝ Կարեն Հարությունյանն է:
