Ղրղըզստանի նախագահ Կուրմանբեկ Բակիեւը երեքշաբթի օրը հայտարարել է պետական իշխանության կառավարման համակարգում լայնամասշտաբ բարեփոխումներ իրականացնելու իր մտադրության մասին: Բակիեւի ասելով, բարեփոխումներն առաջին հերթին տեղի կունենան նախագահի աշխատակազմում: Մասնավորապես կկրճատվի աշխատակազմի 40-50 տոկոսը, իսկ նախագահի աշխատակազմը կվերակազմավորվի Նախագահի ինստիտուտի: «ԼՁԸՀ-ՁԸհհ»-ի մատուցմամբ, կառուցվածքային բարեփոխումներ կլինեն նաեւ կառավարությունում: Բոլոր պետական կոմիտեները կլուծարվեն, կմնան միայն 14 նախարարություն, 7 գործակալություն եւ 6 ծառայություն: Բարեփոխումների արդյունքում կլուծարվի նաեւ թմրանյութերի շրջանառությունը վերահսկող գործակալությունը, որի գործառույթները կփոխանցվեն երկրի ՆԳՆ-ի համապատասխան ստորաբաժանումներին, վերակազմավորման կենթարկվի նաեւ երկրի ազգային անվտանգության կոմիտեն: Բակիեւը հայտարարել է, որ պետական կառավարման համակարգի բարեփոխումների առաջին փուլը երկրի համար կարժենա 0,5 մլրդ սոմոն (մոտ 11,5 մլն դոլար):
