Հունգարիայի հյուսիսում գտնվող Բուդաորշ քաղաքի ոստիկանության բաժանմունքի ողջ անձնակազմը՝ 15 հոգի, աշխատանքից ազատվել է: Նրանք միասին շահել են վիճակախաղի ջեքփոթը: Շահումը անգլիական ֆունտ ստեռլինգով կազմում է ավելի քան 10 միլիոն: Սա իր չափով 6-րդ ջեքփոթն է՝ Հունգարիայում անցկացվող վիճակահանության պատմության մեջ:
Այժմ երկրի ոստիկանական ղեկավարությունը ռեզերվային ուժեր է ուղարկում Բուդաորշ՝ կարգուկանոն հաստատելու, մինչեւ կգտնվեն տեղաբնակ կամավորներ՝ ծառայելու 27 հազար բնակչություն ունեցող քաղաքի ոստիկանական բաժանմունքում:
