Մուստաֆա Մահմուդ Զաեդի դիակը 7 օր «նստած» է եղել լոսանջելեսյան բնակելի տան պատշգամբներից մեկում: Հարեւանները կարծել են, թե հանգուցյալը տիկնիկ է, որով սովորաբար բոլոր սրբերի օրվա նախօրեին մարդիկ ձեւավորում են բնակարանները: Մեկ շաբաթ անց Զաեդի դիմացի հարեւանը դիմել է ոստիկանություն. «Մեկ շաբաթ դիակը փտել է բնակելի համալիրի բոլոր բնակիչների աչքի առաջ, եւ ոչ ոք չի ահազանգել, դա տարօրինակ է»: Ոստիկանները հանգուցյալի աչքի մեջ հայտնաբերել են հրազենային վնասվածք: Նրանք ենթադրում են, որ գործ ունեն ինքնասպանության հետ:
