![\"\"](\"https://www.aravot.am/2009/aravot_arm/October/17/p23.jpg\")
![\"\"](\"https://www.aravot.am/2009/aravot_arm/October/17/p24.jpg\")
Ավստրալիայում ընթանում են «World Masters Games» անվանումը կրող մարզական խաղերը, որոնցում հանդես գալու համար աշխարհի տարբեր երկրներից ժամանած շուրջ 28 հազար մասնակիցները մրցում են 28 մարզաձեւերից:
Այս մրցումներն առանձնանում են ոչ միայն իրենց մասսայականությամբ (օրինակ՝ ամառային օլիմպիական խաղերում, ներառյալ պատվիրակությունների բոլոր անդամները, հրավիրված պաշտոնական հյուրերը, ընդհանուր թիվը կազմում է 16-18 հազար), այլեւ նրանով, որ պատվիրակների մի որոշ մասի տարիքը գերազանցում է 70 տարեկանը: Նրանցից ոմանք մասնակցում են վազքերի, ընդ որում նաեւ՝ արգելքներով, մյուսները ծանրություններ են նետում…
Սակայն այս անգամ խաղերի իսկակա ն հերոսն ու «աստղը» ավստրալուհի Ռուտ Ֆրիզն է: Նա, որ զավակներից ու թոռներից բացի, նաեւ ծոռներ ունի, 100-104 տարեկանների խմբում մարզագունդը հրել է 4,07 մետր՝ սահմանելով աշխարհի ռեկորդ: Բայց անխոնջ Ֆրիզը միայն գնդահրմամբ չի բավարարվում: Նա մասնակցում է նաեւ մրճանետման եւ նիզականետման մրցումներին՝ հավատալով, որ մյուս թոշակառուներն էլ կհետեւեն իր օրինակին:
Այսպիսի մրցումներ առաջին անգամ կազմակերպվել են 1985 թվականին՝ Տորոնտոյում: Այժմ «World Masters Games» խաղերն անցկացվում են յուրաքանչյուր չորս տարին մեկ: Սակայն օլիմպիական խաղերից տարբերվում են նրանով, որ դրանց մասնակցել կարող են բոլոր մարդիկ, առանց տարիքային սահմանափակման:
