Ուկրաինայի վարչապետ Յուլիա Տիմոշենկոն ուրբաթ օրը ժամանելու է Վատիկան, իսկ նախագահական ընտրարշավից առաջ կայցելի Երուսաղեմ: «Ես Վատիկան եմ այցելելու Հռոմի պապ Բենեդիկտոս 14-րդի հրավերով: Ինձ համար շատ կարեւոր է անհրաժեշտ զրույցներ ունենալ Ուկրաինայի իշխանությունների եւ Եկեղեցիների խորհրդի միջեւ համագործակցության շուրջ»,- հայտարարել է Տիմոշենկոն՝ հավելելով, որ Վատիկանում կքննարկվի նաեւ եկեղեցիներին՝ իրենց առաքելությունն իրականացնելու հարցում, օժանդակելու հարցը: «Ես համարում եմ, որ սա շատ կարեւոր է, որովհետեւ հոգեւոր վերածննդից է սկսվում նաեւ երկրի տնտեսական վերածնունդը»,- հայտարարել է Ուկրաինայի վարչապետը: ԶԼՄ-ները վերջինիս այս այցերն արդեն որակել են այսպես՝ Տիմոշենկոն ընտրություններից առաջ գնում է մեղքերը քավելու, խոստովանություններ անելու, մաքրվելու եւ հավատքով առաջ ընթանալու համար:
