Իրանի ընդդիմությունը պնդում է, որ այդ երկրի հոգեւոր առաջնորդ այաթոլա Ալի Խամենեին մահացել է: Երկուշաբթի օրը նա կորցրել էր գիտակցությունը եւ տեղափոխվել էր հիվանդանոց, որտեղ հայտնվել էր կոմայի մեջ: «ՀԼԸ-ծՏՉՏրՑՌ»-ի մատուցմամբ, Խամենեի մահվան մասին այսպիսի տեղեկություններ առաջին անգամ չէ, որ շրջանառվում են: Աղբյուրը, վկայակոչելով ՀՀ-ում Իրանի դեսպանատունը, փոխանցում է, որ ԻԻՀ հոգեւոր առաջնորդի մահվան մասին տեղեկությունները իրականությանը չեն համապատասխանում: «NEWSru-Israel»-ի մատուցմամբ էլ, Իրանի մայրաքաղաքում իրավիճակը լարված է. Թեհրանի փողոցներում կան բազմաթիվ զինվորականներ եւ անվտանգության ծառայության աշխատակիցներ:
Եթե Խամենեին իսկապես մահացել է, ապա Իրանի կրոնական գերագույն մարմինը, որը բաղկացած է 86 հոգուց, պետք է ընտրի Խամենեի հետնորդին, ինչը, ըստ աղբյուրի, կարող է տարակարծությունների եւ գործող ռեժիմի սասանման պատճառ դառնալ:
