ՀՀ ՊՆ վարչական համալիրում նախորդ օրը տեղի ունեցած հանրապետական զորակոչային հանձնաժողովի հերթական նիստին ՀՀ զինված ուժերի գլխավոր շտաբի պետ, գեներալ-գնդապետ Յու. Խաչատուրովը ներկայացրեց 2009թ. գարնանային զորակոչի արդյունքները:
Նիստին ելույթ ունեցողները անդրադարձել են զորակոչի ընթացքում ծագող խնդիրներին, զորակոչիկների առողջական վիճակի զննության կազմակերպմանը: Առաջարկվել է որոշ հիվանդությունների բուժզննումն իրականացնել նաեւ մարզերում՝ ծնողների շրջանում առաջացող դժգոհություններից խուսափելու եւ պետական միջոցները խնայելու համար: ՀՀ ՊՆ Կենտրոնական ռազմաբժշկական հանձնաժողովի նախագահ Ա. Պետրոսյանը խոսել է զինակոչիկների շրջանում առավել հաճախ հանդիպող հիվանդությունների, բացթողումների, հիվանդությունների վաղ հայտնաբերման եւ դրանց կանխարգելմանն ուղղված միջոցառումների մասին: Քննարկվեցին 2009թ. աշնանային զորակոչի խնդիրները:
