Հայաստանի երրորդ բջջային օպերատոր «Օրանժ Արմենիան» եւ «ՎիվաՍել-ՄՏՍ»-ը երեկ ստորագրել են ցանցերի փոխկապակցման պայմանագիր, որով կարգավորվում են երկու օպերատորների ցանցերի կապակցման կոմերցիոն եւ տեխնիկական պայմանները: «Օրանժ Արմենիա» ընկերության մամուլի ծառայության տեղեկացմամբ, 2 ընկերությունների գլխավոր տնօրենները նշել են, որ բանակցություններն ընթացել են կառուցողական եւ գործընկերային մթնոլորտում եւ հույս են հայտնել շարունակել համագործակցությունը՝ արդյունավետ եւ առողջ մրցակցության մթնոլորտում: Նշենք, որ փոխկապակցման պայմանագիրը ենթադրում է, որ բջջային օպերատորների բաժանորդները անարգել կարող են զանգել միմյանց: Տեղեկացանք, որ առաջիկայում նման պայմանագիր կկնքվի նաեւ «ԱրմենՏել» ընկերության հետ: Երկու ընկերությունները կսկսեն փոխկապակցման տեխնիկական փորձարկումը:
