Երեւանում շարունակվում են դասական երաժշտության փառատոները, որոնց ընթացքում կրկին հնարավորություն կունենանք հանդիպել ոչ միայն հայաստանցի, այլեւ արտերկրի ճանաչված երաժիշտների: Երեւանյան երրորդ միջազգայինին իրենց մասնակցությունը կբերեն դիրիժոր Լավարդ Սկու-Լարսենը (Ավստրիա), դաշնակահարներ Պոլինա Լեշչենկոն (Բելգիա), Էշլի Վոսը (Մեծ Բրիտանիա), ջութակահարներ Փրիյա Միթչելը (Մեծ Բրիտանիա), Դայշին Կաշիմոտոն (Ճապոնիա), Սվյատոսլավ Մորոզը (Ռուսաստան), թավջութակահար Նատալյա Գուտմանը (Ռուսաստան) եւ այլք: Փառատոնի փակումը կկայանա հոկտեմբերի 23-ին:
Վերադարձի փառատոնի վերջին ակորդը կհնչի հոկտեմբերի 24-ին: Առաջիկա օրերին սպասվում է հանդիպում իսպանացի ակորդեոնահար Էնրիկե Ուգարտեի, ռուսաստանցի երաժիշտների, այդ թվում՝ ջութակահար Գրաֆ Մուրժայի, արեւմուտքում ստեղծագործող հայաստանցի արվեստագետներ, սաքսոֆոնահար Կորյուն Ասատրյանի (Գերմանիա), երգչուհի Ջուլիետ Գալստյանի (Շվեյցարիա) եւ այլոց հետ:
«21-ի հեռանկարներ» փառատոնն էլ հոկտեմբերի վերջին կներկայացնի աշխարհահռչակ կոմպոզիտոր Քշիշտոֆ Պենդերեցկուն:
