Հայկական գինիները կարող էին մրցակցել եվրոպական շուկայում, եթե արտադրության որակը բարելավվեր: Այսօր Երեւանում լրագրողներին այդպիսի կարծիք է հայտնել Իտալիայի Տրովիզո գավառի խաղողագործության եւ գինեգործության տեխնոլոգիայի պրոֆեսոր Մարիո Բարբիերին, որը գործընկերների հետ Հայաստան է ժամանել «Սիվիլիտաս» հիմնադրամի կողմից կազմակերպված գինեգործության թեմայով «կլոր սեղանին» մասնակցելու նպատակով: Ըստ «Արմինֆոյի», պրոֆեսորը նշել է, որ միայն հայկական որոշ գինիներ կարող են ներկայացվել եվրոպական շուկաներում, իսկ տեղական արտադրանքի հետ մրցակցելու համար հարկավոր է էապես բարելավել արտադրանքի որակը: Նա նաեւ նշել է, որ Հայաստանում գործում են մանր արտադրողներ, եւ կարեւոր է ստեղծել կոոպերատիվներ ու կոնսորցիումներ՝ մեծ արդյունքի հասնելու համար:
