«Անկեղծ շփումը»՝ անիվների վրա

Երեւանյան ավտոբուսներում, բռնակների վրա վաղուց հանդիպում ենք «Նիկիտա» կազմակերպության այսպիսի «էստի համեցեքների», որոնք հուշում են (կամ գուժում) աղջիկների եւ տղաների հետ անկեղծ շփման հնարավորության մասին: Տեղեկանում ենք, որ անկեղծ շփումը SMS-ների միջոցով է, տարբեր լեզուներով, նույնիսկ կարող ես ընտրել, թե ինչ անունով աղջկա կամ տղայի հետ ես ուզում շփվել: Այսքանը հիշեցնելով, «Նիկիտան» իր գովազդներում համարյա միշտ մոռանում է ընդգծված նշել 1 SMS-ի արժեքը, նաեւ հիշեցնել, որ ինքը պարտավոր է ծառայություններ մատուցել 18-ը լրացած քաղաքացիներին, թեեւ ամեն ծանուցվողի հիշեցնում է՝ «ես սպասում եմ քեզ»: Ընթերցողներին հայտնեմ նաեւ, որ 1800 համարի հետ «անկեղծ շփման» արդյունքում իմ 15-ամյա որդին 15 օրում կուտակել էր 250 000 դրամի պարտք: Երեւի շատ անկեղծ էր շփվել: