Շարունակվում է սեպտեմբերի 11-ից մեկնարկած Երեւանյան երրորդ միջազգային երաժշտական փառատոնը: Այս տարի այն առանձնահատուկ է նրանով, որ փառատոնային նախորդ չորս համերգներին Հայաստանի պետական ֆիլհարմոնիկ նվագախմբի հետ հանդես են եկել եւ մինչեւ հոկտեմբերի 23-ը իրենց բարձրակարգ արվեստով կներկայանան ինչպես աշխարհահռչակ, այնպես էլ երիտասարդ երաժիշտներ: Հոկտեմբերի 4-ին կայանալիք համերգին հայ արվեստասերը կվայելի իտալացի հանրահայտ տենոր Ջուզեպե Ջակոմինիի եւ գերմանաբնակ ճանաչված սոպրանո Կարինե Բաբաջանյանի արվեստը՝ Ֆիլհարմոնիկ նվագախմբի ընկերակցությամբ (դիրիժոր՝ Էդ. Թոփչյան):
