Ռուսաստանի ՆԳՆ-ն ոստիկանության աշխատակիցների համար լրագրողների հետ շփվելու եւ հրապարակային հայտարարություններ անելու հատուկ դասընթացներ է կազմակերպում: «Ուտրո.ռու»-ի մատուցմամբ, երեկ այդ մասին հայտարարել է ՌԴ ՆԳ նախագահ Ռաշիդ Նուրգալիեւը: Դասընթացները սկզբնական փուլում կանցկացվեն ՆԳՆ մոսկովյան համալսարանում եւ ՆԳՆ ակադեմիայում: Ենթադրվում է, որ պարապմունքները կանցկացնեն հենց լրատվամիջոցների ներկայացուցիչները: Նուրգալիեւը խոստովանել է, որ «շատ ոստիկաններ չեն կարողանում շփվել ԶԼՄ-ների հետ, իրենց մտքերը հստակ ձեւակերպել, եւ նրանց համար դժվար է կենտրոնանալ տեսախցիկների եւ ձայնագրիչների առկայության պայմաններում»:
