Անցած գիշեր Աբխազիայի տարածքից ինքնաձիգ հրազենից եւ ականանետներից գնդակոծվել են վրացական ոստիկանության մի քանի պահակակետեր: Զոհեր չկան: «Rosbalt»-ի փոխանցմամբ, վրացական կողմը միջադեպի մասին տեղեկացրել է Եվրամիության դիտորդներին, որոնք 2008թ. օգոստոսյան ռուս-վրացական պատերազմից հետո հետեւում են երկրում տիրող իրավիճակին: Աղբյուրը տեղեկացրել է նաեւ, թե սեպտեմբերի 30-ին Աբխազիայում նշել են այդ երկրի Անկախության օրը, որի շրջանակներում տեղի են ունեցել նաեւ հանդիսավոր արարողություններ:
