Բարբի Գուերրան, որի բնակության վայրը լրատվամիջոցները չեն նշում, մանուկ հասակում ուժեղ հոսանքահարության պատճառով զրկվել է երկու ձեռքից: Սակայն այս դժբախտությունը նրան, այնուամենայնիվ, «թեւաթափ» չի արել: Ապաքինվելուց հետո աղջիկը որոշել է նվիրվել սպորտին՝ զբաղվելով բոդիբիլդինգով: Անկոտրում կամքը եւ համառ մարզումները շուտով տվել են ֆանտաստիկ արդյունք: Բարբի Գուերրան նվաճել է բոդիբիլդինգի աշխարհի չեմպիոնուհու կոչումը:
Սակայն նրա երջանկությունը ոչ այնքան չեմպիոնական տիտղոսն է, որքան ընտանիքն ու երեխաները: Բարբին չորս երեխաների հոգատար մայր է, որոնցից երկուսին ինքն է լույս աշխարհ բերել, երկուսին էլ որդեգրել է:
