Երեկ առավոտյան ժամանակավորապես դադարեցվել է Վրաստանի տարածքով Հայաստան ռուսական բնական գազի մատակարարումը՝ կապված Հյուսիսային Կովկաս-Անդրկովկաս մայրուղային գազատարի վերանորոգման աշխատանքների հետ:
«ՀայՌուսգազարդից» «Առավոտին» տեղեկացրին, որ գազամատակարարման վերականգնումը նախատեսվում է հոկտեմբերի 5-ից: Իսկ ռուսական գազի մատակարարման դադարեցման հետ կապված՝ սպառողները խնդիրներ չեն ունենա, քանի որ կօգտագործվեն Աբովյանի ստորգետնյա գազի պահեստարանի պահուստները:
