ՀՖՖ մամուլի քարտուղարությունը տեղեկացնում է, որ աշխարհի 2010 թվականի գավաթի ընտրական փուլի շրջանակներում հոկտեմբերի 14-ին Բուրսա քաղաքում կայանալիք Թուրքիա-Հայաստան ազգային հավաքականների հանդիպումը վարել վստահվել է Շվեդիայի մրցավարական անձնակազմին՝ Մարտին Հանսոնի գլխավորությամբ: Նրա օգնականներն են Հենրիկ Անդրենը եւ Ստեֆան Վիտբերգը: Չորրորդ պաշտոնյա նշանակվել է Մարտին Ինգվարսոնը:
Հայտնի են նաեւ նույն երկրների երիտասարդական հավաքականների հանդիպման մրցավարները, որոնք ներկայացնում են Ռումինիան: Գլխավոր մրցավարը Ալեքսանդրու Դեակոնուն է, եզրայինները՝ Էդուարդ Դումտիտրեսկուն եւ Սեբաստիան Գեորգեն, չորրորդ պաշտոնյան՝ Սեբաստիան Կոլտեսկուն: Թուրքիա-Հայաստան երիտասարդական հավաքականների հանդիպումը տեղի է ունենալու Էսկիշեհիր քաղաքում:
