![\"\"](\"https://www.aravot.am/2009/aravot_arm/September/30/p7.jpg\")
Ռուսաստանը հնարավոր է համարում ՆԱՏՕ-ի հետ հակահրթիռային պաշտպանության միասնական համակարգ ստեղծելու հեռանկարը: ՀԼԸ-ծՏՉՏրՑՌ-ի փոխանցմամբ, այդ մասին երեքշաբթի օրը Մոսկվայում կայացած ասուլիսում հայտարարել է Հյուսիսատլանտյան դաշինքում ՌԴ մշտական ներկայացուցիչ Դմիտրի Ռագոզինը (նկարում): «Եթե պարզություն մտնի Վաշինգտոնի ծրագրերում, եթե մենք հասկանանք, որ իրականում հակահրթիռային պաշտպանության եվրոպական նախաձեռնությունը ԱՄՆ հակահրթիռային պաշտպանության մարտավարության մի մասը չէ, ապա նման ջանքերը հնարավոր են»,- ասել է Ռագոզինը՝ միաժամանակ հավելելով, թե դրա մասին խոսելը դեռ վաղաժամ է: Նա միաժամանակ հայտարարել է, որ սեպտեմբերի 30-ին Բրյուսելում դեսպանների մակարդակով տեղի է ունենալու Ռուսաստան-ՆԱՏՕ խորհրդի նիստ, որտեղ քննարկվելու է նաեւ ՌԴ-ի եւ Ալյանսի միջեւ հակահրթիռային պաշտպանության շուրջ համագործակցության վերսկսման հարցը:
