![\"\"](\"https://www.aravot.am/2009/aravot_arm/September/29/p14.jpg\")
«ArmChess»-ը երեկ տեղեկացրել է, որ ՖԻԴԵ-ն նոյեմբերի 20-ին Խանտի Մանսիյսկում մեկնարկող շախմատի աշխարհի գավաթի խաղարկության գլխավոր մրցավար է նշանակել հայաստանցի միջազգային կարգի մրցավար Աշոտ Վարդապետյանին:
Նույն կայքը վերահաստատում է նախկինում օրեր առաջ տարածած այն տեղեկատվությունը (դրա մասին արդեն գրել ենք), որ հոկտեմբերի 3-ին Մակեդոնիայի Օրհիդ քաղաքում մեկնարկող շախմատի «Եվրագավաթ-2009»-ի տղամարդկանց եւ կանանց մրցաշարերում Հայաստանը ներկայացնելու է Երեւանի «Միկան»:
Տղամարդկանց թիմում «Միկայի» կազմում հանդես են գալու Լեւոն Արոնյանը, Վլադիմիր Հակոբյանը, Գաբրիել Սարգսյանը, Արման Փաշիկյանը, Տիգրան Պետրոսյանը եւ Զավեն Անդրիասյանը, իսկ կանանց թիմում՝ Էլինա Դանիելյանը, Հարիկա Դրոնովալին (Հնդկաստան), Նինո Խուրցիձեն (Վրաստան) եւ Լիլիթ Գալոյանը:
