Շուկայում հայտնաբերվել է կեղծ աուգմենտին դեղանյութ: Այս դեղափոշու 1 գրամի եւ 200 գրամ լուծույթի մեջ հայտարարագրված ամոքսիլին եւ քլավալանաթթու ակտիվ դեղանյութերի փոխարեն դեղերի եւ բժշկական տեխնոլոգիաների փորձագիտական կենտրոնը հայտնաբերել է ամպիցիլին: Այս մասին տեղեկացնում է «Ա1+»-ը: Աղբյուրի տեղեկացմամբ, առողջապահության նախարարությունից պարզաբանել են, թե աուգմենտինի փոխարեն ամպիցիլին ներարկելը ինչ հետեւանքներ կարող է ունենալ մարդկանց առողջության համար: Նախարարությունից պատասխանել են, որ այն օրգանիզմին վնաս չի տա, սակայն բուժական ազդեցությունը կարող է կորցնել: Նրանք նշել են նաեւ, որ աուգմենտինը սովորաբար երակ է ներարկվում, իսկ ամպիցիլինը՝ ներմկանային, ուստի տվյալ դեպքում՝ ուղղակի հիվանդները անիմաստ ներարկումներ են կատարել: Նշենք, որ այս դեղամիջոցը օգտագործվում է որպես հակաբորբոքիչ:
