![\"\"](\"https://www.aravot.am/2009/aravot_arm/September/26/p29.jpg\")
Այս հայտարարությունը փակցված է ՀՀ Տավուշի մարզի Խաշթառակ գյուղի գյուղապետարանի պատին: Այս տարվա մայիսի 29-ի «Առավոտում» Խաշթառակի մասին հրապարակման մեջ նշել էինք, որ խորհրդային տարիներին գյուղը առանձնահատուկ բնակավայր է եղել՝ Հայաստանի «Հոլիվուդ»: Այստեղ են նկարահանվել հայկական մի շարք սիրված ֆիլմեր՝ «Մենք ենք, մեր սարերը», «Տղամարդիկ», «Ճանապարհ», «Ջրերը բարձրանում են», «Նամակ», «Հուշարձան»: Գյուղապետ Հայկ Քամալյանն էլ շատ էր ուզում գյուղում թատերական խմբակ ունենալ:
Հետխորհրդային Հայաստանում կինոարտադրությունը առանձնապես ակտիվ եւ բարձրարվեստ չէ, բայց Խաշթառակը գտել է բոլորից առանձնանալու, կրկին յուրահատուկ լինելու ձեւը եւ գյուղի բուժկետի սովորական աշխատողին, մեղմ ասած, խիստ պահանջներ է ներկայացնում:
Ապրի Խաշթառակը: Ու շատ լավ կլիներ, եթե այսպիսի խիստ չափանիշներով աշխատանքի ընդունեին հանրապետական նշանակության պաշտոնների հավակնորդներին: Ասենք՝ նախարար, մարզպետ, պետական հաստատության մարզային կառույցի ղեկավար եւ այլն:
