Հինգշաբթի առավոտյան Թբիլիսիում, Նուցուբիձե փողոցում փլվել է 9 հարկանի բնակելի մի շենք: Վրաստանի ՆԳՆ արտակարգ իրավիճակների գերատեսչությունից ստացված հաղորդագրության համաձայն, ենթադրվում է, որ փլատակների տակ գտնվում է մեկ մարդ, որի որոնողական աշխատանքներն արդեն սկսվել են: Հնարավոր զոհերի մասին տեղեկությունները ճշտվում են: Վրացական «Իմեդի» հեռուստաընկերության տվյալներով, արտակարգ պատահարը տեղի է ունեցել վաղ առավոտյան, երբ բոլոր բնակիչները տանն են եղել: Թբիլիսիի քաղաքապետարանի վերահսկողական ծառայության պետ Զվիադ Քերվալիշվիլիի ասելով, շինությունը կառուցված է եղել առանց պաշտոնական նախագծի, գտնվել է վթարային վիճակում, եւ վթարային բոլոր շենքերի բնակիչներին կոչ է արել դիմել քաղաքապետարան՝ դրանք ապամոնտաժելու համար:
