Խոսքը շախմատի աշխարհի 12-րդ եւ 13-րդ չեմպիոնների՝ Անատոլի Կարպովի եւ Գարրի Կասպարովի մասին է, որոնք, ի նշան միմյանց միջեւ 25 տարի առաջ շախմատային թագի համար պայքարի հոբելյանի, երեկ ուշ գիշեր Իսպանիայի Վալենսիա քաղաքում վերստին նստեցին խաղատախտակի առջեւ:
Դարիս մեծագույն երկու գրոսմաստերները պայմանավորվել են հրաժարվել դասական շախմատից եւ քառորդ դար անց միմյանց կարողությունները ստուգել արագ շախմատի 12 պարտիաներում, որոնցից ութը՝ բլիցում: Երեկ նախկին չեմպիոնները խաղալու էին երկու պարտիա, որոնցից առաջինում սպիտակ խաղաքարերը Անատոլի Կարպովինն էին:
