ԴԻԱԿԸ՝ ԳԵՏՈՒՄ
ԱԻՆ փրկարար ծառայությունից տեղեկացրին, որ Աղստեւ գետում (Իջեւանի «Կար-Արտ» գործարանի մերձակայքում) հայտնաբերվել է Երեւանի բնակչուհի՝ 78-ամյա Էլմիրա Վարդանյանի դին:
ՀԱՅՏՆԱԲԵՐՎԵԼ Է ԴԻԱԿ
Սեպտեմբերի 20-ին Երեւանի Իսակովի պողոտայի 42/2 շենքի թիվ 59 բնակարանում հայտնաբերվել է 75-ամյա Հասմիկ Ենգիբարյանի դին:
ՉՊԱՐԶՎԱԾ ՀԱՆԳԱՄԱՆՔՆԵՐՈՒՄ
Արագածոտնի մարզում՝ Կանչ-Թալին ճանապարհին, ընթացքի ժամանակ շրջվել է «ԵրԱԶ» մակնիշի 18 ՍԼ 656 պետհամարանիշի ավտոմեքենան, ինչի հետեւանքով վարորդ՝ 46-ամյա Ա. Հակոբյանը տեղում զոհվել է:
ԱՀԱԶԱՆԳ՝ ԹԱՆԳԱՐԱՆԻՑ
![\"\"](\"https://www.aravot.am/2009/aravot_arm/September/23/p8.jpg\")
Սեպտեմբերի 20-ին՝ կիրակի օրը, ահազանգ ստացվեց Կենտրոնի ոստիկանության բաժնում: Ե. Չարենցի տուն-թանգարանը, որն այդ օրն աշխատում էր մնացյալ թանգարանների նման եւ անց էր կացնում Եվրոպական ժառանգության օրեր՝ «Ծիր Կաթին» խորագրով, միջոցառման թեժ պահին ստիպված էին ընդհատել այն, քանի որ շենքի 4-րդ հարկի նորահայտ մոսկվաբնակ «հարեւանը» շինարարական աղբն ու ավազն էր տեղափոխում: Ոստիկանները հարբած շինարարներին զգուշացրին, որ դադարեցնեն շինարարությունը: Թանգարանի աշխատակիցները այս էլ որերորդ անգամ ստիպված էին մաքրել ապակե ցուցավահանակները: Շենքի 4-րդ հարկի հեռակա «գնորդը» հավանաբար տեղյակ չէ, որ 1-3-րդ հարկերը մեծանուն գրողի տուն-թանգարանինն են:
